«ԻՄԱՍՏՈՒԹՅԱՆ» ԱՏԱՄՆԵՐ. ԱՐԴՅՈ՞Ք ՊԵՏՔ Է ՀԵՌԱՑՆԵԼ

Իմաստության ատամները մեր ծնոտի ռուդիմենտար (հնացած) մաս են, որը անհրաժեշտ է եղել մեր նախնիներին կոպիտ սնունդը ծամելու համար։ Քաղաքակրթության զարգացմանը զուգահեռ՝ մարդու սննդակարգը փոխվեց, և դրա հետ մեկտեղ փոխվեց նաև ծնոտի կառուցվածքը։ Ժամանակակից մարդիկ հաճախ ունեն ավելի փոքր ծնոտի ոսկորներ, քան մեր հեռավոր նախնիները, ուստի իմաստության ատամների համար պարզապես կարող է տեղ չլինել։

Բուժո՞ւմ են արդյոք իմաստության ատամները

Իհարկե, ինչպես և մնացած ատամները։ Բայց յուրաքանչյուր իրավիճակ դիտարկվում է անհատապես։ Դա պայմանավորված է նրանով, որ տվյալ փուլում կարող են ի հայտ գալ տարբեր բարդություններ:

Երբ սկսում է աճել ութնյակը, անհրաժեշտ է անմիջապես դիմել բժշկի։ Ստոմատոլոգը կկատարի ծնոտի պանորամային ռենտգեն, և միայն դրանից հետո կընդունի որոշում՝ բուժման նպատակահարմարության վերաբերյալ։

Խորը կարիեսով խոռոչները, օրինակ, հաճախ շատ դժվար է բուժել։ Բացի այդ, գործընթացը միշտ չէ, որ արդարացված է։ Եթե հիգիենան բավարար չէ, կարիեսը կարող է կրկին զարգանալ և առաջացնել հյուսվածքների հետագա քայքայում։ Այդ պատճառով, ամենայն հավանականությամբ, ձեզ խորհուրդ կտան հեռացնել ատամը։

Եթե իմաստության ատամում բորբոքում է առաջացել, հնարավոր է անհրաժեշտ լինի «կապուշոնի» հեռացման միջամտություն։ Այդ ընթացակարգի ժամանակ կտրում են լնդի մի մասը, իսկ ներքին տարածքը մանրակրկիտ մաքրվում է։ Մանիպուլյացիան իրականացվում է տեղային անզգայացմամբ և համարվում է անվտանգ ու ցավազրկված։ Այնուհետև բժիշկը նշանակում է դեղորայքային թերապիա, որը նպաստում է հյուսվածքների վերականգնմանը և բորբոքային գործընթացի լիարժեք կանգնեցմանը։

Եթե զարգացել է պուլպիտ, իրավիճակն էլի անհատապես է դիտարկվում։ Դա պայմանավորված է նրանով, որ բուժման ընթացքում հեռացվում է նյարդը, իսկ առանց նյարդի ատամը դառնում է «անկենդան»։ Իհարկե, այն որոշ ժամանակ կծառայի, սակայն, ամենայն հավանականությամբ, ոչ շատ երկար։

Վերին իմաստության ատամների բուժման ժամանակ սովորաբար օգտագործում են ինֆիլտրացիոն անզգայացում։ Իսկ ստորին ատամների դեպքում՝ հաղորդչական, քանի որ այն ավելի արդյունավետ է և ծածկում է ավելի մեծ տարածք։

Շատ դեպքերում վերին ութնյակները բուժվում են ավելի հեշտ, քան ստորինները։

Ե՞րբ է պետք մտածել իմաստության ատամը հեռացնելու մասին և ինչպե՞ս է այն տեղի ունենում

Իմաստության ատամի հեռացումը վիրաբուժական միջամտություն է, որը կատարում են փորձառու մասնագետները։ Այն կարող է իրականացվել տեղային անզգայացմամբ կամ ընդհանուր անզգայացմամբ՝ կախված դեպքի բարդությունից։ Վիրահատությունից հետո հիվանդին տրվում են ցուցումներ՝ ինչպես խնամել հեռացված ատամի տեղը և բերանի խոռոչը, ինչպես նաև վերականգնման ընթացքը հեշտացնելու համար։ 

Չնայած այն հանգամանքին, որ որոշ մարդիկ ողջ կյանքում ապրում են իմաստության ատամներով՝ առանց որևէ խնդրի, շատերի մոտ առաջանում են հետևյալ դժվարությունները․

 1.  Ոչ ճիշտ ծկթում։ Տեղի պակասի պատճառով իմաստության ատամները կարող են աճել անկյան տակ, սեղմել հարևան ատամների վրա կամ նույնիսկ լիովին թաքնված մնալ լնդի մեջ։ Սա կարող է հանգեցնել մնացած ատամների տեղաշարժի, կծվածքի փոփոխության և նույնիսկ ծնոտի ցավերի։

2․ Կարիես և վարակներ։ Եթե իմաստության ատամը մասամբ ծածկված է լնդով, այն դառնում է դժվար հասանելի մաքրման համար, ինչը մեծացնում է կարիեսի և լնդերի բորբոքման զարգացման ռիսկը։

3․ Ատամների սեղմվածություն։ Ծկթած իմաստության ատամները կարող են ճնշում գործադրել այլ ատամների վրա՝ առաջացնելով սեղմվածություն և օրթոդոնտիկ բուժման անհրաժեշտություն։

4․ Ցավ և անհարմարություն։ Շատ հաճախ իմաստության ատամի առաջացումը ուղեկցվում է ցավային զգացողություններով, այտուցով և լնդի բորբոքումով:

Ինչու՞ դիմել RinArt Dental Aesthetics-ին

Մեր կլինիկան առաջարկում է բարձրորակ ծառայություններ ատամների ախտորոշման և բուժման ոլորտում։ Մենք օգտագործում ենք ժամանակակից սարքավորումներ և առաջատար մեթոդներ՝ նպատակ ունենալով ապահովել մեր պացիենտների հարմարավետությունն ու անվտանգությունը։ 

Իմաստության ատամները մեր օրգանիզմի անբաժանելի մասն են, սակայն երբեմն դրանք կարող են ավելի շատ անհանգստություն պատճառել, քան օգուտ։ Եթե դուք բախվել եք նման խնդիրների, մի՛ հետաձգեք այցը բժշկի։ RinArt Dental Aesthetics-ի մասնագետները կօգնեն ձեզ ընդունելու ճիշտ որոշում և կանցկացնեն անհրաժեշտ միջամտությունները առավելագույն հարմարավետությամբ և նվազագույն ռիսկով։

Գրանցվեք խորհրդատվության արդեն այսօր և հոգ տարեք ձեր առողջության մասին։